Ganesh Chalisa

The Ganesh Chalisa — the forty-verse hymn to Shri Ganesha, Vighnaharta, recited at beginnings for wisdom, success and the removal of obstacles.

जय गणपति सदगुण सदन, कविवर बदन कृपाल।
विघ्न हरण मंगल करण, जय जय गिरिजालाल॥

जय जय जय गणपति गणराजू। मंगल भरण करण शुभ काजू॥
जय गजबदन सदन सुखदाता। विश्व विनायक बुद्धि विधाता॥

वक्र तुण्ड शुचि शुण्ड सुहावन। तिलक त्रिपुण्ड भाल मन भावन॥
राजत मणि मुक्तन उर माला। स्वर्ण मुकुट शिर नयन विशाला॥

पुस्तक पाणि कुठार त्रिशूलं। मोदक भोग सुगन्धित फूलं॥
सुन्दर पीताम्बर तन साजित। चरण पादुका मुनि मन राजित॥

धनि शिवसुवन षडानन भ्राता। गौरी ललन विश्व-विख्याता॥
ऋद्धि-सिद्धि तव चँवर सुधारे। मूषक वाहन सोहत द्वारे॥

कहौं जन्म शुभ-कथा तुम्हारी। अति शुचि पावन मंगलकारी॥
एक समय गिरिराज कुमारी। पुत्र हेतु तप कीन्हो भारी॥

भयो यज्ञ जब पूर्ण अनूपा। तब पहुँच्यो तुम धरि द्विज रूपा॥
अतिथि जानि कै गौरी सुखारी। बहुविधि सेवा करी तुम्हारी॥

अति प्रसन्न ह्वै तुम वर दीन्हा। मातु पुत्र हित जो तप कीन्हा॥
मिलहि पुत्र तुहि बुद्धि विशाला। बिना गर्भ धारण यहि काला॥

गणनायक गुण ज्ञान निधाना। पूजित प्रथम रूप भगवाना॥
अस कहि अन्तर्धान रूप ह्वै। पलना पर बालक स्वरूप ह्वै॥

बनि शिशु रुदन जबहिं तुम ठाना। लखि मुख सुख नहिं गौरी समाना॥
सकल मगन सुखमंगल गावहिं। नभ ते सुरन सुमन वर्षावहिं॥

शम्भु उमा बहुदान लुटावहिं। सुर मुनिजन सुत देखन आवहिं॥
लखि अति आनन्द मंगल साजा। देखन भी आये शनि राजा॥

निज अवगुण गुनि शनि मन माहीं। बालक देखन चाहत नाहीं॥
गिरिजा कछु मन भेद बढ़ायो। उत्सव मोर न शनि तुहि भायो॥

कहन लगे शनि मन सकुचाई। का करिहौं शिशु मोहि दिखाई॥
नहिं विश्वास उमा उर भयऊ। शनि सों बालक देखन कह्यऊ॥

पड़तहिं शनि दृग कोण प्रकाशा। बालक सिर उड़ि गयो आकाशा॥
गिरिजा गिरीं विकल ह्वै धरणी। सो दुख दशा गयो नहिं वरणी॥

हाहाकार मच्यो कैलाशा। शनि कीन्हो लखि सुत को नाशा॥
तुरत गरुड़ चढ़ि विष्णु सिधाये। काटि चक्र सो गज शिर लाये॥

बालक के धड़ ऊपर धारयो। प्राण मन्त्र पढ़ि शंकर डारयो॥
नाम गणेश शम्भु तब कीन्हे। प्रथम पूज्य बुद्धि निधि वर दीन्हे॥

बुद्धि परीक्षा जब शिव कीन्हा। पृथ्वी कर प्रदक्षिणा लीन्हा॥
चले षडानन भरमि भुलाई। रचे बैठ तुम बुद्धि उपाई॥

चरण मातु-पितु के धर लीन्हें। तिनके सात प्रदक्षिण कीन्हें॥
धनि गणेश कहि शिव हिय हरषे। नभ ते सुरन सुमन बहु बरसे॥

तुम्हरी महिमा बुद्धि बड़ाई। शेष सहस मुख सके न गाई॥
मैं मतिहीन मलीन दुखारी। करहुँ कौन विधि विनय तुम्हारी॥

भजत रामसुन्दर प्रभुदासा। जग प्रयाग ककरा दुर्वासा॥
अब प्रभु दया दीन पर कीजै। अपनी भक्ति शक्ति कछु दीजै॥

श्री गणेश यह चालीसा, पाठ करै कर ध्यान।
नित नव मंगल गृह बसै, लहे जगत सन्मान॥
सम्बन्ध अपने सहस्र दश, ऋषि पंचमी दिनेश।
पूर्ण चालीसा भयो, मंगल मूर्ति गणेश॥

Jai Ganpati sadgun sadan, kavivar badan kripaal.
Vighna haran mangal karan, jai jai Girijalaal.

Jai jai jai Ganpati ganraaju. Mangal bharan karan shubh kaaju.
Jai gajbadan sadan sukhdaata. Vishwa Vinayak buddhi vidhaata.

Vakra tund shuchi shund suhaavan. Tilak tripund bhaal man bhaavan.
Raajat mani muktan ur maala. Swarn mukut shir nayan vishaala.

Pustak paani kuthaar trishoolam. Modak bhog sugandhit phoolam.
Sundar pitaambar tan saajit. Charan paaduka muni man raajit.

Dhani Shivsuvan shadaanan bhraata. Gauri lalan vishwa-vikhyaata.
Riddhi-siddhi tav chanvar sudhaare. Mooshak vaahan sohat dwaare.

Kahau janm shubh-katha tumhaari. Ati shuchi paavan mangalkaari.
Ek samay Giriraaj kumaari. Putra hetu tap keenho bhaari.

Bhayo yagya jab poorn anoopa. Tab pahunchyo tum dhari dwij roopa.
Atithi jaani kai Gauri sukhaari. Bahuvidhi seva kari tumhaari.

Ati prasann hvai tum var deenha. Maatu putra hit jo tap keenha.
Milahi putra tuhi buddhi vishaala. Bina garbh dhaaran yahi kaala.

Gannaayak gun gyan nidhaana. Poojit pratham roop bhagvaana.
As kahi antardhaan roop hvai. Palna par baalak swaroop hvai.

Bani shishu rudan jabahi tum thaana. Lakhi mukh sukh nahi Gauri samaana.
Sakal magan sukhmangal gaavahi. Nabh te suran suman varshaavahi.

Shambhu Uma bahudaan lutaavahi. Sur munijan sut dekhan aavahi.
Lakhi ati aanand mangal saaja. Dekhan bhi aaye Shani raaja.

Nij avgun guni Shani man maahi. Baalak dekhan chaahat naahi.
Girija kachu man bhed badhaayo. Utsav mor na Shani tuhi bhaayo.

Kahan lage Shani man sakuchaai. Ka karihau shishu mohi dikhaai.
Nahi vishwaas Uma ur bhayau. Shani so baalak dekhan kahyau.

Padatahi Shani drig kon prakaasha. Baalak sir udi gayo aakaasha.
Girija giri vikal hvai dharani. So dukh dasha gayo nahi varani.

Haahaakaar machyo Kailaasha. Shani keenho lakhi sut ko naasha.
Turat Garud chadhi Vishnu sidhaaye. Kaati chakra so gaj shir laaye.

Baalak ke dhad oopar dhaaryo. Praan mantra padhi Shankar daaryo.
Naam Ganesh Shambhu tab keenhe. Pratham poojya buddhi nidhi var deenhe.

Buddhi pareeksha jab Shiv keenha. Prithvi kar pradakshina leenha.
Chale shadaanan bharami bhulaai. Rache baith tum buddhi upaai.

Charan maatu-pitu ke dhar leenhe. Tinke saat pradakshin keenhe.
Dhani Ganesh kahi Shiv hiy harshe. Nabh te suran suman bahu barse.

Tumhari mahima buddhi badaai. Shesh sahas mukh sake na gaai.
Main matiheen maleen dukhaari. Karahu kaun vidhi vinay tumhaari.

Bhajat Ramsundar Prabhudaasa. Jag Prayag kakra Durvaasa.
Ab Prabhu daya deen par keejai. Apni bhakti shakti kachu deejai.

Shri Ganesh yah Chalisa, paath karai kar dhyaan.
Nit nav mangal grih basai, lahe jagat sanmaan.
Sambandh apne sahasra dash, Rishi Panchami dinesh.
Poorn Chalisa bhayo, mangal moorti Ganesh.

About the Ganesh Chalisa