Madhurashtakam

The Madhurashtakam — Vallabhacharya's eight verses celebrating the all-pervading sweetness (madhuram) of Lord Krishna.

अधरं मधुरं वदनं मधुरं
नयनं मधुरं हसितं मधुरम्।
हृदयं मधुरं गमनं मधुरं
मधुराधिपतेरखिलं मधुरम्॥१॥

वचनं मधुरं चरितं मधुरं
वसनं मधुरं वलितं मधुरम्।
चलितं मधुरं भ्रमितं मधुरं
मधुराधिपतेरखिलं मधुरम्॥२॥

वेणुर्मधुरो रेणुर्मधुरः
पाणिर्मधुरः पादौ मधुरौ।
नृत्यं मधुरं सख्यं मधुरं
मधुराधिपतेरखिलं मधुरम्॥३॥

गीतं मधुरं पीतं मधुरं
भुक्तं मधुरं सुप्तं मधुरम्।
रूपं मधुरं तिलकं मधुरं
मधुराधिपतेरखिलं मधुरम्॥४॥

करणं मधुरं तरणं मधुरं
हरणं मधुरं रमणं मधुरम्।
वमितं मधुरं शमितं मधुरं
मधुराधिपतेरखिलं मधुरम्॥५॥

गुञ्जा मधुरा माला मधुरा
यमुना मधुरा वीची मधुरा।
सलिलं मधुरं कमलं मधुरं
मधुराधिपतेरखिलं मधुरम्॥६॥

गोपी मधुरा लीला मधुरा
राधा मधुरा मिलनं मधुरम्।
दृष्टं मधुरं शिष्टं मधुरं
मधुराधिपतेरखिलं मधुरम्॥७॥

गोपा मधुरा गावो मधुरा
यष्टिर्मधुरा सृष्टिर्मधुरा।
दलितं मधुरं फलितं मधुरं
मधुराधिपतेरखिलं मधुरम्॥८॥

adharam madhuram vadanam madhuram
nayanam madhuram hasitam madhuram।
hridayam madhuram gamanam madhuram
madhuradhipaterakhilam madhuram॥1॥

vachanam madhuram charitam madhuram
vasanam madhuram valitam madhuram।
chalitam madhuram bhramitam madhuram
madhuradhipaterakhilam madhuram॥2॥

venurmadhuro renurmadhurah
panirmadhurah padau madhurau।
nrityam madhuram sakhyam madhuram
madhuradhipaterakhilam madhuram॥3॥

gitam madhuram pitam madhuram
bhuktam madhuram suptam madhuram।
rupam madhuram tilakam madhuram
madhuradhipaterakhilam madhuram॥4॥

karanam madhuram taranam madhuram
haranam madhuram ramanam madhuram।
vamitam madhuram shamitam madhuram
madhuradhipaterakhilam madhuram॥5॥

gunja madhura mala madhura
yamuna madhura vichi madhura।
salilam madhuram kamalam madhuram
madhuradhipaterakhilam madhuram॥6॥

gopi madhura lila madhura
radha madhura milanam madhuram।
drishtam madhuram shishtam madhuram
madhuradhipaterakhilam madhuram॥7॥

gopa madhura gavo madhura
yashtirmadhura srishtirmadhura।
dalitam madhuram phalitam madhuram
madhuradhipaterakhilam madhuram॥8॥

About the Madhurashtakam