Download PDF

Venkateswara Suprabhatam

The Venkateswara Suprabhatam - the auspicious dawn hymn that awakens Lord Venkateswara (Balaji) of Tirumala, sung every morning at Tirupati.

कौसल्या सुप्रजा राम पूर्वा सन्ध्या प्रवर्तते।
उत्तिष्ठ नरशार्दूल कर्तव्यं दैवमाह्निकम्॥१॥

उत्तिष्ठोत्तिष्ठ गोविन्द उत्तिष्ठ गरुडध्वज।
उत्तिष्ठ कमलाकान्त त्रैलोक्यं मङ्गलं कुरु॥२॥

मातस्समस्तजगतां मधुकैटभारेः
वक्षोविहारिणि मनोहरदिव्यमूर्ते।
श्रीस्वामिनि श्रितजनप्रियदानशीले
श्रीवेङ्कटेशदयिते तव सुप्रभातम्॥३॥

तव सुप्रभातमरविन्दलोचने
भवतु प्रसन्नमुखचन्द्रमण्डले।
विधिशङ्करेन्द्रवनिताभिरर्चिते
वृषशैलनाथदयिते दयानिधे॥४॥

अत्र्यादिसप्तऋषयस्समुपास्य सन्ध्याम्
आकाशसिन्धुकमलानि मनोहराणि।
आदाय पादयुगमर्चयितुं प्रपन्नाः
शेषाद्रिशेखरविभो तव सुप्रभातम्॥५॥

पञ्चाननाब्जभवषण्मुखवासवाद्याः
त्रैविक्रमादिचरितं विबुधाः स्तुवन्ति।
भाषापतिः पठति वासरशुद्धिमारात्
शेषाद्रिशेखरविभो तव सुप्रभातम्॥६॥

ईषत्प्रफुल्लसरसीरुहनारिकेल
पूगद्रुमादिसुमनोहरपालिकानाम्।
आवाति मन्दमनिलः सह दिव्यगन्धैः
शेषाद्रिशेखरविभो तव सुप्रभातम्॥७॥

उन्मील्य नेत्रयुगमुत्तमपञ्जरस्थाः
पात्रावशिष्टकदलीफलपायसानि।
भुक्त्वा सलीलमथ केलिशुकाः पठन्ति
शेषाद्रिशेखरविभो तव सुप्रभातम्॥८॥

तन्त्रीप्रकर्षमधुरस्वनया विपञ्च्या
गायत्यनन्तचरितं तव नारदोऽपि।
भाषासमग्रमसकृत्करचारुरम्यं
शेषाद्रिशेखरविभो तव सुप्रभातम्॥९॥

भृङ्गावली च मकरन्दरसानुविद्ध
झङ्कारगीतनिनदैः सह सेवनाय।
निर्यात्युपान्तसरसीकमलोदरेभ्यः
शेषाद्रिशेखरविभो तव सुप्रभातम्॥१०॥

योषागणेन वरदध्निविमथ्यमाने
घोषालयेषु दधिमन्थनतीव्रघोषाः।
रोषात्कलिं विदधते ककुभश्च कुम्भाः
शेषाद्रिशेखरविभो तव सुप्रभातम्॥११॥

पद्मेशमित्रशतपत्रगतालिवर्गाः
हर्तुं श्रियं कुवलयस्य निजाङ्गलक्ष्म्या।
भेरीनिनादमिव बिभ्रति तीव्रनादं
शेषाद्रिशेखरविभो तव सुप्रभातम्॥१२॥

श्रीमन्नभीष्टवरदाखिललोकबन्धो
श्रीश्रीनिवास जगदेकदयैकसिन्धो।
श्रीदेवतागृहभुजान्तरदिव्यमूर्ते
श्रीवेङ्कटाचलपते तव सुप्रभातम्॥१३॥

श्रीस्वामिपुष्करिणिकाप्लवनिर्मलाङ्गाः
श्रेयोऽर्थिनो हरविरिञ्चिसनन्दनाद्याः।
द्वारे वसन्ति वरवेत्रहतोत्तमाङ्गाः
श्रीवेङ्कटाचलपते तव सुप्रभातम्॥१४॥

श्रीशेषशैलगरुडाचलवेङ्कटाद्रि
नारायणाद्रिवृषभाद्रिवृषाद्रिमुख्याम्।
आख्यां त्वदीयवसतेरनिशं वदन्ति
श्रीवेङ्कटाचलपते तव सुप्रभातम्॥१५॥

सेवापराः शिवसुरेशकृशानुधर्म
रक्षोम्बुनाथपवमानधनादिनाथाः।
बद्धाञ्जलिप्रविलसन्निजशीर्षदेशाः
श्रीवेङ्कटाचलपते तव सुप्रभातम्॥१६॥

धाटीषु ते विहगराजमृगाधिराज
नागाधिराजगजराजहयाधिराजाः।
स्वस्वाधिकारमहिमाधिकमर्थयन्ते
श्रीवेङ्कटाचलपते तव सुप्रभातम्॥१७॥

सूर्येन्दुभौमबुधवाक्पतिकाव्यसौरि
स्वर्भानुकेतुदिविषत्परिषत्प्रधानाः।
त्वद्दासदासचरमावधिदासदासाः
श्रीवेङ्कटाचलपते तव सुप्रभातम्॥१८॥

त्वत्पादधूलिभरितस्फुरितोत्तमाङ्गाः
स्वर्गापवर्गनिरपेक्षनिजान्तरङ्गाः।
कल्पागमाकलनयाकुलतां लभन्ते
श्रीवेङ्कटाचलपते तव सुप्रभातम्॥१९॥

त्वद्गोपुराग्रशिखराणि निरीक्षमाणाः
स्वर्गापवर्गपदवीं परमां श्रयन्तः।
मर्त्या मनुष्यभुवने मतिमाश्रयन्ते
श्रीवेङ्कटाचलपते तव सुप्रभातम्॥२०॥

श्रीभूमिनायक दयादिगुणामृताब्धे
देवाधिदेव जगदेकशरण्यमूर्ते।
श्रीमन्ननन्त गरुडादिभिरर्चिताङ्घ्रे
श्रीवेङ्कटाचलपते तव सुप्रभातम्॥२१॥

श्रीपद्मनाभ पुरुषोत्तम वासुदेव
वैकुण्ठ माधव जनार्दन चक्रपाणे।
श्रीवत्सचिह्न शरणागतपारिजात
श्रीवेङ्कटाचलपते तव सुप्रभातम्॥२२॥

कन्दर्पदर्प हरसुन्दर दिव्यमूर्ते
कान्ताकुचाम्बुरुहकुट्मललोलदृष्टे।
कल्याणनिर्मलगुणाकर दिव्यकीर्ते
श्रीवेङ्कटाचलपते तव सुप्रभातम्॥२३॥

मीनाकृते कमठ कोल नृसिंह वर्णिन्
स्वामिन् परश्वथतपोधन रामचन्द्र।
शेषांशराम यदुनन्दन कल्किरूप
श्रीवेङ्कटाचलपते तव सुप्रभातम्॥२४॥

एलालवङ्गघनसारसुगन्धितीर्थं
दिव्यं वियत्सरिति हेमघटेषु पूर्णम्।
धृत्वाद्य वैदिकशिखामणयः प्रहृष्टाः
तिष्ठन्ति वेङ्कटपते तव सुप्रभातम्॥२५॥

भास्वानुदेति विकचानि सरोरुहाणि
सम्पूरयन्ति निनदैः ककुभो विहङ्गाः।
श्रीवैष्णवास्सततमर्थितमङ्गलास्ते
धामाश्रयन्ति तव वेङ्कट सुप्रभातम्॥२६॥

ब्रह्मादयः सुरवरास्समहर्षयस्ते
सन्तस्सनन्दनमुखास्त्वथ योगिवर्याः।
धामान्तिके तव हि मङ्गलवस्तुहस्ताः
श्रीवेङ्कटाचलपते तव सुप्रभातम्॥२७॥

लक्ष्मीनिवास निरवद्यगुणैकसिन्धो
संसारसागरसमुत्तरणैकसेतो।
वेदान्तवेद्यनिजवैभव भक्तभोग्य
श्रीवेङ्कटाचलपते तव सुप्रभातम्॥२८॥

इत्थं वृषाचलपतेरिह सुप्रभातं
ये मानवाः प्रतिदिनं पठितुं प्रवृत्ताः।
तेषां प्रभातसमये स्मृतिरङ्गभाजां
प्रज्ञां परार्थसुलभां परमां प्रसूते॥२९॥

kausalya supraja rama purva sandhya pravartate।
uttishtha narashardula kartavyam daivamahnikam॥1॥

uttishthottishtha govinda uttishtha garudadhvaja।
uttishtha kamalakanta trailokyam mangalam kuru॥2॥

matassamastajagatam madhukaitabhareh
vakshoviharini manoharadivyamurte।
shrisvamini shritajanapriyadanashile
shrivenkateshadayite tava suprabhatam॥3॥

tava suprabhatamaravindalochane
bhavatu prasannamukhachandramandale।
vidhishankarendravanitabhirarchite
vrishashailanathadayite dayanidhe॥4॥

atryadisaptarishayassamupasya sandhyam
akashasindhukamalani manoharani।
adaya padayugamarchayitum prapannah
sheshadrishekharavibho tava suprabhatam॥5॥

panchananabjabhavashanmukhavasavadyah
traivikramadicharitam vibudhah stuvanti।
bhashapatih pathati vasarashuddhimarat
sheshadrishekharavibho tava suprabhatam॥6॥

ishatpraphullasarasiruhanarikela
pugadrumadisumanoharapalikanam।
avati mandamanilah saha divyagandhaih
sheshadrishekharavibho tava suprabhatam॥7॥

unmilya netrayugamuttamapanjarasthah
patravashishtakadaliphalapayasani।
bhuktva salilamatha kelishukah pathanti
sheshadrishekharavibho tava suprabhatam॥8॥

tantriprakarshamadhurasvanaya vipanchya
gayatyanantacharitam tava narado'pi।
bhashasamagramasakritkaracharuramyam
sheshadrishekharavibho tava suprabhatam॥9॥

bhringavali cha makarandarasanuviddha
jhankaragitaninadaih saha sevanaya।
niryatyupantasarasikamalodarebhyah
sheshadrishekharavibho tava suprabhatam॥10॥

yoshaganena varadadhnivimathyamane
ghoshalayeshu dadhimanthanativraghoshah।
roshatkalim vidadhate kakubhashcha kumbhah
sheshadrishekharavibho tava suprabhatam॥11॥

padmeshamitrashatapatragatalivargah
hartum shriyam kuvalayasya nijangalakshmya।
bherininadamiva bibhrati tivranadam
sheshadrishekharavibho tava suprabhatam॥12॥

shrimannabhishtavaradakhilalokabandho
shrishrinivasa jagadekadayaikasindho।
shridevatagrihabhujantaradivyamurte
shrivenkatachalapate tava suprabhatam॥13॥

shrisvamipushkarinikaplavanirmalangah
shreyo'rthino haravirinchisanandanadyah।
dvare vasanti varavetrahatottamangah
shrivenkatachalapate tava suprabhatam॥14॥

shrisheshashailagarudachalavenkatadri
narayanadrivrishabhadrivrishadrimukhyam।
akhyam tvadiyavasateranisham vadanti
shrivenkatachalapate tava suprabhatam॥15॥

sevaparah shivasureshakrishanudharma
rakshombunathapavamanadhanadinathah।
baddhanjalipravilasannijashirshadeshah
shrivenkatachalapate tava suprabhatam॥16॥

dhatishu te vihagarajamrigadhiraja
nagadhirajagajarajahayadhirajah।
svasvadhikaramahimadhikamarthayante
shrivenkatachalapate tava suprabhatam॥17॥

suryendubhaumabudhavakpatikavyasauri
svarbhanuketudivishatparishatpradhanah।
tvaddasadasacharamavadhidasadasah
shrivenkatachalapate tava suprabhatam॥18॥

tvatpadadhulibharitasphuritottamangah
svargapavarganirapekshanijantarangah।
kalpagamakalanayakulatam labhante
shrivenkatachalapate tava suprabhatam॥19॥

tvadgopuragrashikharani nirikshamanah
svargapavargapadavim paramam shrayantah।
martya manushyabhuvane matimashrayante
shrivenkatachalapate tava suprabhatam॥20॥

shribhuminayaka dayadigunamritabdhe
devadhideva jagadekasharanyamurte।
shrimannananta garudadibhirarchitanghre
shrivenkatachalapate tava suprabhatam॥21॥

shripadmanabha purushottama vasudeva
vaikuntha madhava janardana chakrapane।
shrivatsachihna sharanagataparijata
shrivenkatachalapate tava suprabhatam॥22॥

kandarpadarpa harasundara divyamurte
kantakuchamburuhakutmalaloladrishte।
kalyananirmalagunakara divyakirte
shrivenkatachalapate tava suprabhatam॥23॥

minakrite kamatha kola nrisimha varnin
svamin parashvathatapodhana ramachandra।
sheshamsharama yadunandana kalkirupa
shrivenkatachalapate tava suprabhatam॥24॥

elalavangaghanasarasugandhitirtham
divyam viyatsariti hemaghateshu purnam।
dhritvadya vaidikashikhamanayah prahrishtah
tishthanti venkatapate tava suprabhatam॥25॥

bhasvanudeti vikachani saroruhani
sampurayanti ninadaih kakubho vihangah।
shrivaishnavassatatamarthitamangalaste
dhamashrayanti tava venkata suprabhatam॥26॥

brahmadayah suravarassamaharshayaste
santassanandanamukhastvatha yogivaryah।
dhamantike tava hi mangalavastuhastah
shrivenkatachalapate tava suprabhatam॥27॥

lakshminivasa niravadyagunaikasindho
samsarasagarasamuttaranaikaseto।
vedantavedyanijavaibhava bhaktabhogya
shrivenkatachalapate tava suprabhatam॥28॥

ittham vrishachalapateriha suprabhatam
ye manavah pratidinam pathitum pravrittah।
tesham prabhatasamaye smritirangabhajam
prajnam pararthasulabham paramam prasute॥29॥

Frequently asked questions about Venkateswara Suprabhatam

What is a suprabhatam?

An awakening - the hymn sung to wake the deity at dawn. At Tirumala the Suprabhata Seva is the first service of the day, and this is its text, opening with the verse that calls Rama, the good son of Kausalya, to rise as the east reddens.

When is it recited?

At dawn, before or with the household lamp, and on Saturdays, which are Venkateswara's day. Countless homes in the south play or recite it as the first sound of the morning.

Who is Venkateswara?

Vishnu as he stands on the Tirumala hill - Srinivasa, Balaji, the deity of the Tirupati shrine, worshipped as the Lord of the Kali age who is present and accessible there.

Do I need to have visited Tirumala?

No. The Suprabhatam is the household morning hymn of millions who go rarely or never; the seva at the shrine and the recitation at home are the same act at different scales.

What else is recited with it?

The Vishnu Sahasranama on Saturdays, and the Ashtakshari or Dwadasakshari as japa.

About the Venkateswara Suprabhatam

The Venkateswara Suprabhatam - the auspicious dawn hymn that awakens Lord Venkateswara (Balaji) of Tirumala, sung every morning at Tirupati.

Meaning

A morning awakening (suprabhatam) that gently rouses the Lord at dawn, followed by verses of stuti, sharanagati (surrender) and mangala, inviting his auspicious presence.

Benefits

Recited at dawn to begin the day auspiciously; believed to bring the Lord's grace, prosperity, peace and an auspicious, well-protected day.

The Venkateswara Suprabhatam above is given in both Devanagari (Sanskrit) and Roman transliteration so you can read it in whichever script you are comfortable with - switch between the two using the buttons above, share the link, or download a PDF.

A stotram is a longer Sanskrit hymn of praise, not a forty-verse chalisa and not the lamp-song of an aarti. Browse every stotra on the Stotram index. For japa of a short formula use a mantra. The steps of worship around the recitation are in Puja Vidhi.