Daridrya Dahana Shiva Stotram

The Daridrya Dahana Shiva Stotram — sage Vasishtha's hymn to Lord Shiva that is said to burn away poverty and misfortune.

विश्वेश्वराय नरकार्णवतारणाय
कर्णामृताय शशिशेखरधारणाय।
कर्पूरकान्तिधवलाय जटाधराय
दारिद्र्यदुःखदहनाय नमः शिवाय॥१॥

गौरीप्रियाय रजनीशकलाधराय
कालान्तकाय भुजगाधिपकङ्कणाय।
गङ्गाधराय गजराजविमर्दनाय
दारिद्र्यदुःखदहनाय नमः शिवाय॥२॥

भक्तिप्रियाय भवरोगभयापहाय
उग्राय दुर्गभवसागरतारणाय।
ज्योतिर्मयाय गुणनामसुनृत्यकाय
दारिद्र्यदुःखदहनाय नमः शिवाय॥३॥

चर्माम्बराय शवभस्मविलेपनाय
भालेक्षणाय मणिकुण्डलमण्डिताय।
मञ्जीरपादयुगलाय जटाधराय
दारिद्र्यदुःखदहनाय नमः शिवाय॥४॥

पञ्चाननाय फणिराजविभूषणाय
हेमांशुकाय भुवनत्रयमण्डिताय।
आनन्दभूमिवरदाय तमोमयाय
दारिद्र्यदुःखदहनाय नमः शिवाय॥५॥

भानुप्रियाय भवसागरतारणाय
कालान्तकाय कमलासनपूजिताय।
नेत्रत्रयाय शुभलक्षणलक्षिताय
दारिद्र्यदुःखदहनाय नमः शिवाय॥६॥

रामप्रियाय रघुनाथवरप्रदाय
नागप्रियाय नरकार्णवतारणाय।
पुण्येषु पुण्यभरिताय सुरार्चिताय
दारिद्र्यदुःखदहनाय नमः शिवाय॥७॥

मुक्तेश्वराय फलदाय गणेश्वराय
गीतप्रियाय वृषभेश्वरवाहनाय।
मातङ्गचर्मवसनाय महेश्वराय
दारिद्र्यदुःखदहनाय नमः शिवाय॥८॥

वसिष्ठेन कृतं स्तोत्रं सर्वरोगनिवारणम्।
सर्वसम्पत्करं शीघ्रं पुत्रपौत्रादिवर्धनम्।
त्रिसन्ध्यं यः पठेन्नित्यं स हि स्वर्गमवाप्नुयात्॥

vishveshvaraya narakarnavataranaya
karnamritaya shashishekharadharanaya।
karpurakantidhavalaya jatadharaya
daridryaduhkhadahanaya namah shivaya॥1॥

gauripriyaya rajanishakaladharaya
kalantakaya bhujagadhipakankanaya।
gangadharaya gajarajavimardanaya
daridryaduhkhadahanaya namah shivaya॥2॥

bhaktipriyaya bhavarogabhayapahaya
ugraya durgabhavasagarataranaya।
jyotirmayaya gunanamasunrityakaya
daridryaduhkhadahanaya namah shivaya॥3॥

charmambaraya shavabhasmavilepanaya
bhalekshanaya manikundalamanditaya।
manjirapadayugalaya jatadharaya
daridryaduhkhadahanaya namah shivaya॥4॥

panchananaya phanirajavibhushanaya
hemamshukaya bhuvanatrayamanditaya।
anandabhumivaradaya tamomayaya
daridryaduhkhadahanaya namah shivaya॥5॥

bhanupriyaya bhavasagarataranaya
kalantakaya kamalasanapujitaya।
netratrayaya shubhalakshanalakshitaya
daridryaduhkhadahanaya namah shivaya॥6॥

ramapriyaya raghunathavarapradaya
nagapriyaya narakarnavataranaya।
punyeshu punyabharitaya surarchitaya
daridryaduhkhadahanaya namah shivaya॥7॥

mukteshvaraya phaladaya ganeshvaraya
gitapriyaya vrishabheshvaravahanaya।
matangacharmavasanaya maheshvaraya
daridryaduhkhadahanaya namah shivaya॥8॥

vasishthena kritam stotram sarvaroganivaranam।
sarvasampatkaram shighram putrapautradivardhanam।
trisandhyam yah pathennityam sa hi svargamavapnuyat॥

About the Daridrya Dahana Shiva Stotram