Sankat Nashan Ganesha Stotram

The Sankat Nashan Ganesha Stotram — sage Narada's hymn to Lord Ganesha that is said to destroy all troubles (sankat).

प्रणम्य शिरसा देवं गौरीपुत्रं विनायकम्।
भक्तावासं स्मरेन्नित्यमायुष्कामार्थसिद्धये॥१॥

प्रथमं वक्रतुण्डं च एकदन्तं द्वितीयकम्।
तृतीयं कृष्णपिङ्गाक्षं गजवक्त्रं चतुर्थकम्॥२॥

लम्बोदरं पञ्चमं च षष्ठं विकटमेव च।
सप्तमं विघ्नराजेन्द्रं धूम्रवर्णं तथाष्टमम्॥३॥

नवमं भालचन्द्रं च दशमं तु विनायकम्।
एकादशं गणपतिं द्वादशं तु गजाननम्॥४॥

द्वादशैतानि नामानि त्रिसन्ध्यं यः पठेन्नरः।
न च विघ्नभयं तस्य सर्वसिद्धिकरं परम्॥५॥

विद्यार्थी लभते विद्यां धनार्थी लभते धनम्।
पुत्रार्थी लभते पुत्रान्मोक्षार्थी लभते गतिम्॥६॥

जपेद्गणपतिस्तोत्रं षड्भिर्मासैः फलं लभेत्।
संवत्सरेण सिद्धिं च लभते नात्र संशयः॥७॥

अष्टभ्यो ब्राह्मणेभ्यश्च लिखित्वा यः समर्पयेत्।
तस्य विद्या भवेत्सर्वा गणेशस्य प्रसादतः॥८॥

pranamya shirasa devam gauriputram vinayakam।
bhaktavasam smarennityamayushkamarthasiddhaye॥1॥

prathamam vakratundam cha ekadantam dvitiyakam।
tritiyam krishnapingaksham gajavaktram chaturthakam॥2॥

lambodaram panchamam cha shashtham vikatameva cha।
saptamam vighnarajendram dhumravarnam tathashtamam॥3॥

navamam bhalachandram cha dashamam tu vinayakam।
ekadasham ganapatim dvadasham tu gajananam॥4॥

dvadashaitani namani trisandhyam yah pathennarah।
na cha vighnabhayam tasya sarvasiddhikaram param॥5॥

vidyarthi labhate vidyam dhanarthi labhate dhanam।
putrarthi labhate putranmoksharthi labhate gatim॥6॥

japedganapatistotram shadbhirmasaih phalam labhet।
samvatsarena siddhim cha labhate natra samshayah॥7॥

ashtabhyo brahmanebhyashcha likhitva yah samarpayet।
tasya vidya bhavetsarva ganeshasya prasadatah॥8॥

About the Sankat Nashan Ganesha Stotram