Ashta Lakshmi Stotram

The Ashta Lakshmi Stotram — a hymn to the eight forms (Ashta Lakshmi) of Goddess Lakshmi who bestow the eight kinds of wealth.

आदिलक्ष्मी

सुमनसवन्दित सुन्दरि माधवि, चन्द्रसहोदरि हेममये।
मुनिगणमण्डित मोक्षप्रदायिनि, मञ्जुळभाषिणि वेदनुते।
पङ्कजवासिनि देवसुपूजित, सद्गुणवर्षिणि शान्तियुते।
जयजय हे मधुसूदनकामिनि, आदिलक्ष्मि सदा पालय माम्॥१॥

धान्यलक्ष्मी

अहिकलि कल्मषनाशिनि कामिनि, वैदिकरूपिणि वेदमये।
क्षीरसमुद्भव मङ्गलरूपिणि, मन्त्रनिवासिनि मन्त्रनुते।
मङ्गलदायिनि अम्बुजवासिनि, देवगणाश्रित पादयुते।
जयजय हे मधुसूदनकामिनि, धान्यलक्ष्मि सदा पालय माम्॥२॥

धैर्यलक्ष्मी

जयवरवर्णिनि वैष्णवि भार्गवि, मन्त्रस्वरूपिणि मन्त्रमये।
सुरगणपूजित शीघ्रफलप्रद, ज्ञानविकासिनि शास्त्रनुते।
भवभयहारिणि पापविमोचनि, साधुजनाश्रित पादयुते।
जयजय हे मधुसूदनकामिनि, धैर्यलक्ष्मि सदा पालय माम्॥३॥

गजलक्ष्मी

जयजय दुर्गतिनाशिनि कामिनि, सर्वफलप्रद शास्त्रमये।
रथगज तुरगपदादि समावृत, परिजनमण्डित लोकनुते।
हरिहरब्रह्म सुपूजितसेवित, तापनिवारिणि पादयुते।
जयजय हे मधुसूदनकामिनि, गजलक्ष्मि रूपेण पालय माम्॥४॥

सन्तानलक्ष्मी

अहिखग वाहिनि मोहिनि चक्रिणि, रागविवर्धिनि ज्ञानमये।
गुणगणवारिधि लोकहितैषिणि, स्वरसप्तभूषित गाननुते।
सकलसुरासुर देवमुनीश्वर, मानववन्दित पादयुते।
जयजय हे मधुसूदनकामिनि, सन्तानलक्ष्मि त्वं पालय माम्॥५॥

विजयलक्ष्मी

जय कमलासनि सद्गतिदायिनि, ज्ञानविकासिनि गानमये।
अनुदिनमर्चित कुङ्कुमधूसर, भूषितवासित वाद्यनुते।
कनकधरास्तुति वैभववन्दित, शङ्करदेशिक मान्यपदे।
जयजय हे मधुसूदनकामिनि, विजयलक्ष्मि सदा पालय माम्॥६॥

विद्यालक्ष्मी

प्रणत सुरेश्वरि भारति भार्गवि, शोकविनाशिनि रत्नमये।
मणिमयभूषित कर्णविभूषण, शान्तिसमावृत हास्यमुखे।
नवनिधिदायिनि कलिमलहारिणि, कामितफलप्रद हस्तयुते।
जयजय हे मधुसूदनकामिनि, विद्यालक्ष्मि सदा पालय माम्॥७॥

धनलक्ष्मी

धिमिधिमि धिन्धिमि धिन्धिमिदिन्धिमि, दुन्धुभिनाद सुपूर्णमये।
घुमघुम घुङ्घुम घुङ्घुम घुङ्घुम, शङ्खनिनाद सुवाद्यनुते।
वेदपुराणेतिहास सुपूजित, वैदिकमार्ग प्रदर्शयुते।
जयजय हे मधुसूदनकामिनि, धनलक्ष्मि रूपेण पालय माम्॥८॥

adilakshmi

sumanasavandita sundari madhavi, chandrasahodari hemamaye।
muniganamandita mokshapradayini, manjulabhashini vedanute।
pankajavasini devasupujita, sadgunavarshini shantiyute।
jayajaya he madhusudanakamini, adilakshmi sada palaya mam॥1॥

dhanyalakshmi

ahikali kalmashanashini kamini, vaidikarupini vedamaye।
kshirasamudbhava mangalarupini, mantranivasini mantranute।
mangaladayini ambujavasini, devaganashrita padayute।
jayajaya he madhusudanakamini, dhanyalakshmi sada palaya mam॥2॥

dhairyalakshmi

jayavaravarnini vaishnavi bhargavi, mantrasvarupini mantramaye।
suraganapujita shighraphalaprada, jnanavikasini shastranute।
bhavabhayaharini papavimochani, sadhujanashrita padayute।
jayajaya he madhusudanakamini, dhairyalakshmi sada palaya mam॥3॥

gajalakshmi

jayajaya durgatinashini kamini, sarvaphalaprada shastramaye।
rathagaja turagapadadi samavrita, parijanamandita lokanute।
hariharabrahma supujitasevita, tapanivarini padayute।
jayajaya he madhusudanakamini, gajalakshmi rupena palaya mam॥4॥

santanalakshmi

ahikhaga vahini mohini chakrini, ragavivardhini jnanamaye।
gunaganavaridhi lokahitaishini, svarasaptabhushita gananute।
sakalasurasura devamunishvara, manavavandita padayute।
jayajaya he madhusudanakamini, santanalakshmi tvam palaya mam॥5॥

vijayalakshmi

jaya kamalasani sadgatidayini, jnanavikasini ganamaye।
anudinamarchita kunkumadhusara, bhushitavasita vadyanute।
kanakadharastuti vaibhavavandita, shankaradeshika manyapade।
jayajaya he madhusudanakamini, vijayalakshmi sada palaya mam॥6॥

vidyalakshmi

pranata sureshvari bharati bhargavi, shokavinashini ratnamaye।
manimayabhushita karnavibhushana, shantisamavrita hasyamukhe।
navanidhidayini kalimalaharini, kamitaphalaprada hastayute।
jayajaya he madhusudanakamini, vidyalakshmi sada palaya mam॥7॥

dhanalakshmi

dhimidhimi dhindhimi dhindhimidindhimi, dundhubhinada supurnamaye।
ghumaghuma ghunghuma ghunghuma ghunghuma, shankhaninada suvadyanute।
vedapuranetihasa supujita, vaidikamarga pradarshayute।
jayajaya he madhusudanakamini, dhanalakshmi rupena palaya mam॥8॥

About the Ashta Lakshmi Stotram

Meaning

Benefits