Navagraha Stotram
Download PDF

Navagraha Stotram

The Navagraha Stotram — the classical hymn (attributed to Vyasa) with one verse for each of the nine planets (Navagraha).

जपाकुसुमसंकाशं काश्यपेयं महाद्युतिम्।
तमोऽरिं सर्वपापघ्नं प्रणतोऽस्मि दिवाकरम्॥१॥

दधिशङ्खतुषाराभं क्षीरोदार्णवसम्भवम्।
नमामि शशिनं सोमं शम्भोर्मुकुटभूषणम्॥२॥

धरणीगर्भसम्भूतं विद्युत्कान्तिसमप्रभम्।
कुमारं शक्तिहस्तं च मङ्गलं प्रणमाम्यहम्॥३॥

प्रियङ्गुकलिकाश्यामं रूपेणाप्रतिमं बुधम्।
सौम्यं सौम्यगुणोपेतं तं बुधं प्रणमाम्यहम्॥४॥

देवानां च ऋषीणां च गुरुं काञ्चनसन्निभम्।
बुद्धिभूतं त्रिलोकेशं तं नमामि बृहस्पतिम्॥५॥

हिमकुन्दमृणालाभं दैत्यानां परमं गुरुम्।
सर्वशास्त्रप्रवक्तारं भार्गवं प्रणमाम्यहम्॥६॥

नीलाञ्जनसमाभासं रविपुत्रं यमाग्रजम्।
छायामार्तण्डसम्भूतं तं नमामि शनैश्चरम्॥७॥

अर्धकायं महावीर्यं चन्द्रादित्यविमर्दनम्।
सिंहिकागर्भसम्भूतं तं राहुं प्रणमाम्यहम्॥८॥

पलाशपुष्पसंकाशं तारकाग्रहमस्तकम्।
रौद्रं रौद्रात्मकं घोरं तं केतुं प्रणमाम्यहम्॥९॥

इति व्यासमुखोद्गीतं यः पठेत्सुसमाहितः।
दिवा वा यदि वा रात्रौ विघ्नशान्तिर्भविष्यति॥

नरनारीनृपाणां च भवेद्दुःस्वप्ननाशनम्।
ऐश्वर्यमतुलं तेषामारोग्यं पुष्टिवर्धनम्॥

ग्रहनक्षत्रजाः पीडास्तस्कराग्निसमुद्भवाः।
ताः सर्वाः प्रशमं यान्ति व्यासो ब्रूते न संशयः॥

japakusumasamkasham kashyapeyam mahadyutim।
tamo'rim sarvapapaghnam pranato'smi divakaram॥1॥

dadhishankhatusharabham kshirodarnavasambhavam।
namami shashinam somam shambhormukutabhushanam॥2॥

dharanigarbhasambhutam vidyutkantisamaprabham।
kumaram shaktihastam cha mangalam pranamamyaham॥3॥

priyangukalikashyamam rupenapratimam budham।
saumyam saumyagunopetam tam budham pranamamyaham॥4॥

devanam cha rishinam cha gurum kanchanasannibham।
buddhibhutam trilokesham tam namami brihaspatim॥5॥

himakundamrinalabham daityanam paramam gurum।
sarvashastrapravaktaram bhargavam pranamamyaham॥6॥

nilanjanasamabhasam raviputram yamagrajam।
chhayamartandasambhutam tam namami shanaishcharam॥7॥

ardhakayam mahaviryam chandradityavimardanam।
simhikagarbhasambhutam tam rahum pranamamyaham॥8॥

palashapushpasamkasham tarakagrahamastakam।
raudram raudratmakam ghoram tam ketum pranamamyaham॥9॥

iti vyasamukhodgitam yah pathetsusamahitah।
diva va yadi va ratrau vighnashantirbhavishyati॥

naranarinripanam cha bhavedduhsvapnanashanam।
aishvaryamatulam teshamarogyam pushtivardhanam॥

grahanakshatrajah pidastaskaragnisamudbhavah।
tah sarvah prashamam yanti vyaso brute na samshayah॥

About the Navagraha Stotram

The Navagraha Stotram — the classical hymn (attributed to Vyasa) with one verse for each of the nine planets (Navagraha).

Meaning

Nine verses salute the Sun, Moon, Mars, Mercury, Jupiter, Venus, Saturn, Rahu and Ketu, describing each planet's colour, origin and nature and bowing to it.

Benefits

Recited to pacify the nine planets and reduce the ill effects of their dashas and transits, bringing balance, protection and peace in all areas of life.

The Navagraha Stotram above is given in both Devanagari (Sanskrit) and Roman transliteration so you can read it in whichever script you are comfortable with — switch between the two using the buttons above, share the link, or download a PDF.